Search This Blog

Thursday, March 25, 2010

ويييييه قديمه !!!!


السلام عليكم ورحمة الله و بركاته

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثــلاث مواقف اضحكتني و كادت تبيكي



وييييه قديمه

المكان : البيت
اليوم: السيت
المناسبه: يمعة الاهل
الحدث:مسابقات اليهال بعد الغدا

دايما مايكون السبت يوم حافل بالبيت و لله الحمد بما ان امي (الله يخليها) الكبيره فـ يمعة خالاتي تكون ابيتنا

تبدأ اليمعه دايما بالمعايات و النجره لمواضيع عده , لكن الحيز الاكبر من النجره يكون للواصلين متأخر ويبدأ الاستجواب عن سبب التأخر و الي يقول اكيد متأخرين عشان متريقين متأخر و تبون اتأخرونا عن الغدا و الي يقول اكيد طالعين الافنيوز و تتسوقون و احنا ننطر
و و وو و امور ما تخلص

على الغدا دايما يكون تحدي السلطات لان الوالده ما ترضا احد يسوي الوجبة الرئيسة و عندها اسبابها

عقب الغدا لازم جاي بكل انواعه و قهوه و اكيد حلو من ايد الخاله الصغيره الي دايما نقولها و الله حرام ما تسوين محل حلو

بعدها يبدأ صقوووط (بالصاااااد)الشهداء بالصاله و شوي شوي الناس تسحب عمرها لغرف للنوم و يبقون الخوات لمناقشة الاسبوع و انا اجابلهم مع كرت الشوتايم و مباريات على قولت الشوتايم السبت الكروي

اهي نص ساعه و يبدي عافور اليهال و تطلع المواهب تبدي بالرقص و الغناء و لعب الكره و تنتهي بالقران نفس الشي كل اسبوع يكون التسميع عندنا بالسرداب

ويبدون من روئ الى شيخه الى حصة الى صاحبي و صاحب القصه عبدالرزاق

الكل قرا قران و ما كان في مشكله الى ان قراة حصه

وقالت
بسم الله الرحمن الرحيم
{‏قل يا أيها الكافرون لا أعبد ما تعبدون‏}

و اذا بصرخه تهز جبل
(ويييييييييه قديمه)

بعدها صمت من الجمهوور كله و الكل يحاول يفسر كلام بورزيقه
تدخلت و قلتله رزووق شلون يعني قديمه ؟؟
ترا هذي مو غنية و لا مسرحية هذا قران تعرف شنو يعني قران

!!!!! و ترا حتى الي انت قريته قديم

جان يقول لا و الله خالي تونا ما خذينه و الي قرتها حصونه ماخذينها السنه الي طافت

------------------------------------------
!!!!!جلب الداخلية


المكان : الدوام
اليوم: الاثنين
المناسبه: لقاء رئيس وزراء المملكة الاردنية الهاشمية
الحدث: تمشيط المكان من المتفجرات


قبلها بيوم و انا بدوانية اسولف مع مواحد من الشباب الي صارلي فتره ما شفتهم و هو زميل من ايام المتوسط و الثانويه الى ان دخل كلية الشرطه انقطعت العلاقة و صارت بس بالمناسبات و بعض الدواوين ليما قبل سنة فتح دوانيته و قمت اروحلة

بلشت الموضوع اقوله وينك ما تمرنا الدوام ربعك على طول عندنا و هليام ايبون معاهم بنات يمسكون الجلاب(اعزكم الله) عشان التفتيش قالي لا يبا انا مالي خلق قلتله احسلك بس فلان و فلان مو مقصرين مو مخلين الي يفتشون يدخلون الجلاب صوب مكاتبنا


الساعه 8 الصبح يوصلني مسج بو حمود مداوم
رديت اييه
وين مكتبك باي دور
قلتله بالارضي و ليش اذا تبي شي لا تتعنا انا ايبا لي عندك

سحب علي صح

صارت الساعه 10
و انا بحال سبيلي قاعد اكلم شركة بلندن وعيوني على شاشة الكمبيوتر و اذا بصاحبنا و معااااااااااااه

اســــــــــــــــــــــــــــــــــد

و حاطه جبالي

لا شعورين صكيت التليفون بويه الي قاعد اكلمه و تقريبا وقفت على المكتب


نسيت اقولكم اني اخاف من الجلاب


-----------------------------------------
P. F. Chang's



المكان: اكيد الافنيوز
اليوم: الاثنين
المناسبه: طلعت شباب
الحدث: واحد من الشباب بيكمل دكتوراه و الخميس يسافر

لاني متعشي و توني ماكل من تمايم ولد واحد من الشباب اقتصر الموضوع على البيبسي و السوالف على الطاوله

بديناها بشنو تقترحون حق اكل و انتهت الامور عن سوالف الجامعه و الدكاتره و و و و
وحنا طالعين يفتر علي عبيييد و قولي تونا شفنا حمود و حنا ياييين نحجز كان قاعد بره صوب الحصن الي عند الباب

!!!!!!!و سألناه شعندك ناطر قال و الله ماكو بس ناطرين دورنا بنأجر حصن

-----------------------------------

عطلة نهاية اسبوووع ان شاء الله سعيده



15 comments:

اخت غجغدك الجلاساك said...

هههههههههههههههههههههههههههه
ههههههههههههههههههههههههههه
هههههههههههههههههههههههههه
الله ياخذ بليسك ..مت مت من الضحك ..اهم شي تأجير الحصن
و عبد الرزاق الله يحفظه فلم
;P

بس الصرااااااحة بوست عجيب
حلو تختم فين يومك بالدوام :)
HAVE A GREAT WEEKEND :D

Anonymous said...

عبد الرزاق لايروح صلاة القيام وياكم راح يكتشف ان كله قديم
عيل اش راح يقول عن البقرة والعصر
الله يجعله من الحافظين وكلهم من الحافظات


الا سؤال !!حصان
PF CHANCE
مستورد والا صناعة محلية

hoza said...

من جد احلى شى الجمعات فى العايلة
خصوص جمعت الخالات
ولله بسطة من جد
ههههههههههههههههههه

why me said...

LOOOL



رفجك الحركه اللي سواها موصج


كسرت خاطري


;PPP

BookMark said...

مواقف مضحكة بالفعل :)

بس سؤال .. الأسد صجي ولا لعبة؟؟

Goalzalez said...

اخت غجغدك الجلاساك
------------
اشكر مروورج و ما شاء الله بلوقج العجيب

Goalzalez said...

Anonymous
-----------
اي و الله يعفسنا عفاس

اتوقع الحصان مستورد

Goalzalez said...

hoza3
---------
الله لا يخلينا منهم و زيدهم ان شاء الله

Goalzalez said...

why me
-----------
بس ربج واحد راح اردها له بس ما ادري شلون

Goalzalez said...

BookMark
-----------
اهو جلب بس من كبره جنه اسد

روان said...

كله كوم ، و
"عافور اليهال"
بكون ثاني
;p !

~~

LOL

و عالجلب عزك الله ، لول آنا قطوة أنصرع ، هالدور جلب جنه أسد
لول ما أستبعد يصير فيني تشنّج
;p

~~

يعطيك العافية أخوي ..
والله يديم عليكم الفرح و اليمعة
=)

الجودي said...

يا حليله بورزيقه و يا حلات كلامه واكتشافاته الله يحفظه لكم .. (^_^)

Goalzalez said...

Dreama | R
----------
و يديم عليكم الوناسه بعد

ربك واحد صرت جني حطبه ماني قادر اتحرك

Goalzalez said...

الجودي
----------
امين الله يحفضة و مشكوره على المرووور

Eden said...

hehehehhe nice