الله يقطع بليسك يا ..... المتسول

سلام مربع للجميييع


بعد اسبوع من المرض صحيت امس لله الحمد و المنه

دائما ما كان يوم السبت يوم مقدس بالنسبة لي و كذلك كان الجمعه قبل تغير النظام عموما سبب قدسيته تكمن في انه
1. قبل الدوام
2.يمعة الاهل
3.يوم رياضي بحت

فالخروج في هذا اليوم يكون صعب جدا

---------------------
المشهد الاول

دوري ابطال اوروبا يوم السبت !!!!!
(طبعا الي ما يعرف متى يلعب دوري الابطال دائما ما يلعب يوم الثلاثاء و الاربعاء فقط)

اقووم من النووم بسرعه الى سفرة الطعام

انطر احد ينجبلي كالعاده و اوزع ابتسامات

رفعت راسي جدامي

دلبيرو و يمه كاكا و يمه غيغز !!!!!

لوهله قلت انا اكيد قمت من النووم و لا حلمان ما تركب دلبيرو و مربين و كاكا و تمر اخلاص و غيغز و معبوج و ثوم يبل

دققت شوي و لا اخوي بلباس اليوفي و ولد خالتي بلباس الريال و الاخر بلباس المان يونايتد

-------------------
المشهد الثاني



لانه يوم السبت و ماني طالع ليش ما اسحب فلم من النت

بعد تفكير و انا قاعد اشوف فلم مانشستر و ايفرتون و فوز ايفرتون الممتع دزيت برود كاست كان نصه

plz recommend me 2 or 3 movies(new-old) to download

و هلة بشائره

مسج و را مسج فلم ورا فلم و الي يقول و الي يشرح و الي و الي

استوقفوني 3 مسجات- بي بي- من 3 اشخاص و لكل واحد فيهم توجهه

الاول : السلفي

كان مسجه مضحك و مضحك و يبين مدى مواكبته للافلام العالمية

E.T
Rambo 3
Batman Forever

قلتله حلوين جان يقول انا شايفهم و الله حلوين

الثاني :الوسطي

صدمني بالافلام ما ادري يستعبط و لا من صجه

Rocky 1.2.3.4.5.6

قلتله انت اختياراتك قويه
قالي و الله توني شايفهم كلهم

الثالث : المضحك

و الله انه كل مسج يوصلني منه اضحك ما ادري ليش

و صلني منه مسج كاتبلي فيه

المتسول

لا كلام بعد المتسول

--------------------------

المشهد الثالث




رحت فلم

from paris with love

مال ترافولتا

كل الي اقدر اقوله الى متى هذا الاستهزاء بالجهاد



*************************

عطوني افلام تسوى اني اسحبهم عشان العطله