Search This Blog

Sunday, September 26, 2010

الله يسامح صوت الهند

بسم الله الرحمن الرحيم

مطعم صوت الهند

بعد يوم كروي يتخلله نوم بين كل شوط بالمباريات احاول انام بالليل ماكو نووم كالعاده انام قبل الصلاة بنص ساعه بس

الوالده: يالله وليدي قووم صلاة , و على غير العاده

موا(انا): يمه خلاص قاعد *بصوت جهوووور*إ

الوالده:ليش عسى ما شر شكلك ما نمت

مي(هم انا): و الله ماكو قسطت النومه على اليوم كله و الحين ييت ادفع الدفعه الاخيره قالولي لا يبا ماكو خلصت الي عليك كله

قمت صليت و قلت افتح التلفزيون اتابعلي شي يسوا و انا اصلا ادري شنو بطالع بس استعبط اليوم الــيو اف سي 119 و كل العاده شفتلي شوي طق من صباح الله خير

و خطرتلي فكره من الافكار الغريبه

قمت سبحت طقيت الكندوره و السبعه و اتجهت حق مطعم صوت الهند

مطعم هندي بالديره مميز صراحه من افضل 3 مطاعم هنديه كليت فيها بالضبط الساعه 5.50 انا قاضب الخط و يا حلات الحياة بدون زحمه

دشيت المطعم كان فيه 3 طاولات مأخوذين

طاوله فيها سعودي مفرع و طالب جباتي و قيمه و ماي و هو قاعد ياكل وصخ دشداشته اقدر اقولكم تقريبا فصخها عشان ينظفها

طاوله فيها عسكري طالب قلاص جاي حليب و جباتي و بيض طماط و بدلته لو يكت الحليب عليها مايبين فمستمتع بالاكل و يتمنى اي شي ينكت عليه

الطاوله الاخيره فيها اربعه من شباب الجامعه الي ياين مواصلين تقريبا نفس حالتي , الي لابس شورت و الي لابس بنطلون تقريبا اقرب ماله مكسر و بالجي ما ركزت عليهم الا انه واحد منهم منكبر قفله اقدر اقول انه مقعده يمه و سوالفهم الجت مالي و الـ أي فون مالي و الوانيت مالي و يالله يا فلان تسجيلي ما بقا عليه شي ووووو

اهني انا صفنت و تذكرت ايام جامعتي الموقره جامعة الكويت المحترمه و الافضل بالكويت دون منازع كانت ايام ليتها ترجع بس كنت اول اسبوع ماخذه سياحه ماكو دوام و كنت استغل هذا الاسبوع بالزيارات الي راح تحدد درجاتي اخر الكورس

------------------

مزاج اليوم العماري



8 comments:

ARTFUL said...

الله على هالمزاج

وهني وعافيه

بس ليييييه الله يسامحه

ما كليت؟

والا كليت وعقب البطن قام يلعب؟؟

:)

Goalzalez said...

هذا الصوت له سالفه راجعيلهاان شاء الله

لا و الله الموضوع اني الحين قاعد اطق روس و ماني مركز بالدوام مع العملا و المراجعين

بس من ناحية الاكل كليت ما قصرت

و الله يعافيك و لازم تخاويني الا اذا كنت من ربع الاكل الصحي

aL-NooR . said...

LOOOOL
هذا وين ؟
مع انه ابد ما شوقني
No offence
:p
لا و اسمه صوت الهند
يعني مفروض الاكل يتخيل الاجواء
;p


هني و عافية
اذا مرة ثانية عزمت اقوم الصبح
يستحيل راح نمره ..مالنا غير
early bird or prime & toast :)

***********************

الزين said...

الشاي بالحليب عندهم طيب

احسد الشباب احيانا على سهولة الأمور والحياة بالنسبه لهم

Goalzalez said...

aL-NooR
------------
الله بالنور

هذا على دوار مخفر شرق
و سمحيلي مطاعمج الي حاطتهم هذيل مو مطاعم هذيييل
SHOW

و على قولت اخوي و الله اني اسوي
pancake
احسن منهم
اذا دوامج بالديره صفطي عنده و احلا جباتي و جاي حليب

Goalzalez said...

الزين
-----------
اهلا بالزين

من ناحيت انه طيب طيب صراحه لا و اذا يه قلاص عود بعد

و لا تحسدين الشباب و لا شي الريوق يوصل عندكم و انتو ببيوتكم بدون التعب و المشاوير
:p

Anonymous said...

هلا يكولزاز

شخبـــــارك


كندورتك عجيــــبة

نبي عيدية

عطنا عيدية

صاير كانك العيد

ماتبين الا مرتين في السنه



تتغلى والا مشغول وزحمه
سوالفك طماشة لا تباعد


الشارقة

ميمة السبيت said...

** الللللللللللللللللللللللللله

صوت الهند حلاته قبل ما يطر النور تديلو قيمه و 17 جباتيه اون سايد تاخذ طلبك و تروح الكراسي اللي عالبحر تاكل لين اطيح حظك يعني لي الساعة 10 باللي انت منقث

ولكم باك