Search This Blog

Wednesday, April 28, 2010

قبسني يلي

4 طياير

قطارين

مليون مترو

وجم تكسي

حصيلة السفره من الكويت لمدريد لحضور الكلاسكو

و الي ما يعرفونه

مدريد * برشلونه

_______________

قررنا انا مع بو زيونه و جم واحد من الشباب انروح مباراة الموسم لكن صفا الحال علينا احنا الثنين و توكلنا على الله ورحنا مجريط الاسم العربي لمدريد

و الخطة كتالي حضور 3 مبارايات لمعشوقنا المرينغي

مدريد*برشلونه

العامريه(المريا)*مدريد

مدريد*فالنسيا

تسع ايام من المتعه الكروية و الوناسه و الجو الحلو

لكن !!!

صار الي ما توقعناه تقبس بداية الموضوع و تقبس اخر الموضوع و لله الحمد ان بين هذا التقبس ما كان في تقبس لانه لو في جان انتحرت

--------------------------

التقبس اول السفره


الوصول الى مدريد يوم المباراة الاتصال بصاحبنا راعي التذاكر ليكون الرد كلمني بعد 10 دقايق و لان الهدفمن السفره حضور المباراة كلمته بعد 10 دقايق ليكون الرد كلمني الساعه 3 العصر.

انطر الى الساعه 3 و ارد ادق على الي ما يتسمه ليكون الرد

بولفافوووووور الجهاز مغلق

التفت على صاحبي اقوله و الله جد هذي اخرتها نوصل و ما ادخل المباراة

تقريبا قعدت ادق عليه لي الخمس ماكو رد

دق صاحبي على ديلير ثاني و ناخذ تذاكر بمكان ابعد و بدبل السعر

و بالنهايه يخسر مدريد يعني في اقبس من جذي

تداركت الموضوع سريعا و استخدمت واحد من الاساليب الي احبها بصراحه و اهي انك تقلب القهر الى ضحك و تعيش الحياة و ترا الموضوع سهل ما يحتاج الا ابتسامه.

--------------------

تقبس اخر السفره


بعد لوية المطارات و البركان و لدخنه و متابعتي بالليل مع بو زيون للاخبار بالفندق قبل السفره بيومين انجيك على طياراتنا و له ملغيه نوصل حق ليله السفره انرد انشوف و لا رادين طياراتنا على موعدها لان مطار مدريد رد يشتغل.

ناخذ اجناطنا و نروح المطار مبجر نوصل ننصدم بالوضع

اهي ناس مسدحه

اهي جناط مقططه

اهي لويه

اهي طوابير

ننصدم بالشاشه الطياراه كنسلدو ملغيه كانسلد

استخدم اسلوب الابتسامه فالضحك

يروح بوزيون اشوف شسالفه يعطونه حجز بعد 4 ايام.

---------------

انروح لرجال السفاره ان شاء الله راح اتكلم عنهم بموضوع بروحهم يستاهلون

صارلي اسبوع راجع ابي اعدل نومتي ماني قادر اي حلول ؟؟؟

6 comments:

Anonymous said...

طالت الغيبة
واثاريك هناك محبوس
الحمد لله ع السلامة


وعلشان تنام حط على صور البركان واحمد ربك انك رجعت الكويت
وان انت بعيدعن هذا وان لك على الاقل بلد تشيلك في مثل هالازمات
والا جان انت نايم بالمطار مثلهم


وان شاء الله تييك النومة

بس تكفة لاتفكر بتطوير البلد تري والله تطيرالنومة موبس عنك الا عن فريجكم كله

ولاتطول سوالفك حلوة

شرقاوية

روان said...

الحمدالله عالسلامة
=)

الجودي said...

الحمد لله على السلامه

وما عليه اتحصل

:>

aL-NooR . said...

الحمدلله على السلامــــة
نحتـــاج تفاصيل
اكثر
;p

ما شاء الله
سوالفك ما تنمل :)


*****************

why me said...

LOL


كسرت خاطري


الحمدالله على السلامه

ميمة السبيت said...

** الحين انتا زعلان عالتذاكر و لا الخسارة ؟

و الله يطلعلي اربع ايام زود هناك ينعووومك عالاقل مكان سنع و اللي معاك قرووبك حلو سو وناسة وين المشكلة لو انا منك اخليها سبوع